|
|
יט א כי - יכרית יהוה אלהיך את - הגוים אשר יהוה אלהיך נתן לך ב את - ארצם וירשתם וישבת בעריהם ובבתיהם : שלוש ערים תבדיל לך בתוך ארצך אשר יהוה אלהיך נתן לך לרשתה : ג תכין לך הדרך ושלשת את - גבול ארצך אשר ינחילך יהוה ד אלהיך והיה לנוס שמה כל - רצח : וזה דבר הרצח אשר -ינוס שמה וחי אשר יכה את - רעהו בבלי - דעת והוא לא - שנא לו ה מתמל שלשם : ואשר יבא את - רעהו ביער לחטב עצים ונדחה ידו בגרזן לכרת העץ ונשל הברזל מן - העץ ומצא את -רעהו ו ומת הוא ינוס אל - אחת הערים - האלה וחי : פן - ירדף גאל הדם אחרי הרצח כי - יחם לבבו והשיגו כי - ירבה הדרך והכהו נפש ז ולו אין משפט - מות כי לא שנא הוא לו מתמול שלשום : על -כן אנכי מצוך לאמר שלש ערים תבדיל לך : ח ואם - ירחיב יהוה אלהיך את - גבלך כאשר נשבע לאבתיך ונתן ט לך את - כל - הארץ אשר דבר לתת לאבתיך : כי - תשמר את-כל - המצוה הזאת לעשתה אשר אנכי מצוך היום לאהבה את-יהוה אלהיך וללכת בדרכיו כל - הימים ויספת לך עוד שלש י ערים על השלש האלה : ולא ישפך דם נקי בקרב ארצך אשר יהוה אלהיך נתן לך נחלה והיה עליך דמים : יא וכי - יהיה איש שנא לרעהו וארב לו וקם עליו והכהו נפש...
אל הספר |
|