והשמועה באה עד עשו לאמר כי מת יעקב במצרים ויביאו אותו בניו כל מצרים ארצה כנען לקבור אותו . וישמע עשו את הדבר הזה והוא יושב בהר שעיר , ויקם הוא ובניו ובני בניו וכל אנשיו כל ביתו , עם רב מאד , ויבואו לספוד ולבכות את יעקב . ויהי בבוא עשו ויספוד את יעקב אחיו . ויקומו עוד כל מצרים וכל כנען ויספדו מספד גדול עם עשו אל יעקב במקום ההוא . וישאו יוסף ואחיו את יעקב אביהם מן המקום ההוא וילכו חביונה לקבור את יעקב במערה עם אביו . ויבואו קרית ארבע אל המערה . ויהי בבואם ויעמוד עשו וכל בניו ואנשיו אל יוסף ואחיו לשטן במערה לאמר : לא יקבר יעקב בה כי לנו ולאבינו הוא . וישמע יוסף ואחיו את דברי בני עשו ויחר אפם מאד . ויגש יוסף אל עשו לאמר : מה הדבר הזה אשר תדברו , הלא קנה קנה אותה יעקב אבי ממך בעושר רב אחרי מות יצחק , זה היום עשרים וחמש שנה . וגם כל ארץ כנען קנה מאתך ומאת בניך וזרעך אחריך , ויקנה אותה יעקב לבניו ולזרעו אחריו עד עולם לאחוזה . ולמה תדבר כדברים האלה היום הזה ? ויען עשו את יוסף לאמר r שקר תאמר וכזב תדבר , כי לא מכרתי את אשר לי בארץ הזאת מאומה . ועשו דיבר הדברים האלה למען הכחיש את יוסף בדבריו , כ...
אל הספר