פרק שנים־עשר יעקב בחרן

ויצא יעקב וילך אל דרכו חרנה , וישב ויבא עד הר המוריה , וילן שם אצל עיר לוז . וירא הי אל יעקב שמה בלילה ההוא ויאמר אליו : אני ה' אלהי אברהם ואלהי יצחק אביך , הארץ אשר אתה שוכב עליה לד אתננה ולזרעך . והנה אנכי עמך , אל תירא ושמרתיך בכל אשר תלך והרביתי את זרעך ככוכבי השמים , והפלתי את כל אויביך לפניך ונלחמו אליך ולא יוכלו לך , והשיבותיך אל הארץ הזאת בשמחה בבנים ובעושר רב . וייקץ יעקב משנתו וישמח מאד על המראה אשר ראה , ויקרא את שם המקום ההוא בית אל . ויקם יעקב מן המקום ההוא שמח ויקלו רגליו ללכת מהשמחה , וילך משם ארצה בני קדם ויבוא חרנה , וישב על באר הרועים . וימצא שם אנשים יוצאים מחרן לרעות הצאן , וישאלם יעקב , ויאמרו : מחרן אנחנו . ויאמר אליהם ? הידעתם אל לבן בן נחור ? ויאמרו : ידענו , והנה רחל בתו באה עם הצאן אשר לאביה לרעות . עודנו מדבר עמם ורחל בת לבן באה עם הצאן אשר לאביה לרעות , כי רועה היא . וירא יעקב את רחל בת לבן אחי אמו וירץ וישק לה יעקב וישא את קולו ויבך . ויגד יעקב אל רחל כי בן רבקה אחות אביה הוא . ותרץ רחל ותגד לאביה , ויוסף יעקב לבכות על אשר אין בידו מאומה להביא בית לבן . ויש...  אל הספר
מוסד ביאליק