פרק ארבעה־עשר מעשה יוסף

ויהי לתקופת השנה ויסעו בני יעקב משכם וישובו ויבואו חברונה אל יצחק אביהם , וישבו שם . אד צאנם ובקרם וכל אשר להם רועים בשכם יום יום , כי מרעה טוב ושמן היה בשכם בימים ההם . וישב יעקב ובניו וכל ביתם בעמק חברון . ויהי בימים ההם , בשנה ההיא , שנת מאה שנה ושש שנים לחיי יעקב , בשנה העשירית לבוא יעקב מפדן ארם , ותמת לאה אשת יעקב בשנה ההיא , בת אחת וחמשים שנה במותה בחברון . ויקברו אותה יעקב ובניה במערת שדה המכפלה אשר בחברון אשר קנה אברהם מאת בני חת לאחוזת קבר . ובני יעקב ישבו עם אביהם בעמק חברון וידעו כל יושבי הארץ את גבורתם ויהי שמעם בכל הארץ . ויוסף בן יעקב ובנימין אחיו , בני רחל אשת יעקב , עודם קטנים בימים ההם , ולא יצאו את אחיהם במלחמותם בכל ערי האמורי . וירא יוסף את גבורת אחיו וגדולתם , וישבח אותם ויהללם , אך גידל את נפשו עליהם ויתנשא בנפשו אליהם . וגם יעקב אביו אהב אותו מכל בניו , כי בן זקונים הוא לו , ליעש לו כתינת פסים באהבתו אותו . וירא יוסף כי אותו אהב אביו מכל אחיו , ויוסף עוד ויתנשא יוסף על אחיו ויבא לאביו דיבה רעה עליהם . ויראו בני יעקב את כל מעשה יוסף אחיהם אתם , וכי אהב אותו אביהם...  אל הספר
מוסד ביאליק