פרק חמישי רקיון

בימים ההם היה בארץ שנער איש חכם ומשכיל בכל חכמה ויפה תאר מאד , אך איש עני ורש הוא אין כל . ושמו רקיון . ויצר לאיש מאד על מחייתו , ויועץ ללכת מצרימה אל אשוירש בן ענם מלך מצרים להראות המלך את חכמתו , אולי ימצא חן בעיניו לגדלו ולתת לו את מחייתו . ויעש רקיון כן . ויהי כבוא רקיון מצרימה וישאל את יושבי מצרים בעבור המלך , ויגידו לו יושבי מצרים את משפט מלך מצרים , כי משפט מלך מצרים בימים ההם —לא יצא המלך מהיכלו מארמון המלך ולא יראה בארץ כי אם יום אחד בשנה , ואחרי כן יבוא עוד המלך אל היכלו לשבת שם . והיה ביום אשר יצא המלך ושפט את כל הארץ ביום ההוא , וכל איש אשר לו דבר יבוא לפני המלד ביום ההוא ועשה לו את כל אשר ישאל מאת המלך . ויהי כשמוע רקיון את משפט מצרים וכי לא יוכל לבוא לפני המלך , ויתעצב מאד ויחר לו על ככה . ויהי בערב וילך רקיון וימצא בית חרב מבתי האופים אשר למצרים , וילן שם במר נפשו וברעב , ותדד שנתו מעיניו . וידבר רקיון עם לבו : מה יעשה בעיר עד הראות המלך ואיכה עכל לכלכל את נפשו בעיר . ויקם בבוקר ויתהלך בעיר , ויקר מקרהו במוכרי הירק , וישאל אליהם ויגידו לו אשר הם מכלכלים את נפשם בירק ובזר...  אל הספר
מוסד ביאליק