הקדמה למשנה

[ המקור הערבי ] ( א ) [ אעלם אן ] כל שריעה אנזל אללה עלי משה רבינו אנהא אנמא אנזלת עליה מע [ תפסירהא , פ ] יקול אללה לה אלנץ ת'ם יקול לה תפסירה ותאוילה ומא תצ'מן ד'לר [ אלנץ אלמחכם . [ וכאן צפה תעלימה לישראל עלי מא אצף לך , כאן יאתי לכ'באה [ פאול מן ידכיל עליה ] אהרן , פיתלו עליה אלנץ אלמנזל עליה מרה ואחדה ויעלמה [ תפסירה . ת'ם י ] רתפע אהרן וירגיע עלי ימין משה רבינו . וידכיל בעד דילך אלעזר [ ואיתמר ולדאה , פיתלו איצ'א ] עליהמא משה מתיל מא תלי עלי אהרן , ת'ם ירתפע [ א ] וירגיע אחדהמא ען שמאל משה רבינו ואלת'אני עלי ימין אהרן . ת'ם ידכ'ל בעד ד'לך שבעים זקנים , ויעלמהם איצ'א משה מת'ל מא עלם אהרן ובניו . ת'ם ידכ'לון בעד ד'לר ג'מהור אלנאס , כל מבקש ייי , ויתלו איצ'א עליהם חתי יסמע אלג'מיע מנה . פיכון אהרן קד סמע ד'לך אלנץ ארבע מראת מן משה , וולדאה סמעאה מנה ת'לאת' מראת , ואלזקנים מרתין , וסאיר אלנאס מרה ואחדה . ת'ם ירתפע משה ענהם , וירגיע אהרן ויתלו ד'לר אלנץ אלד'י חפט , ' אלד'י סמעה מן משה ארבע מראת כמא וצפנא , עלי ג'מיע אלחאצ'רין , וירתפע אהרן איצ'א . פיכון אלולדאן קד סמעאה ארבע מראת איצ'...  אל הספר
הוצאת שילת - מעלה אדומים