16 מסכת נידה מ ק ר א ו ת ( כב ) וכל הנֹגע בכל כלי אשר תשב עליו יכבס בגדיו ורחץ במים וטמא עד הערב . ( כג ) ואם על המשכב הוא או על הכלי אשר הִוא יֹשבת עליו בנגעו בו יטמא עד הערב . ( כד ) ואם שכֹב ישכב איש אֹתהּ ותהי נדתה עליו וטמא שבעת ימים וכל המשכב אשר ישכב עליו יטמא . טומאת זיבה ויקרא פרק טו ( כה ) ואשה כי יזוב זוֹב דמה ימים רבים בלא עת נדתה או כי תזוב על נדתה כל ימי זוב טֻמאתה כימי נדתה תהיה טמאה הִוא . ( כו ) כל המשכב אשר תשכב עליו כל ימי זובה כמשכב נדתה יהיה לה וכל הכלי אשר תשב עליו טמא יהיה כטֻמאת נדתה . ( כז ) וכל הנוגע בם יטמא וכבס בגדיו ורחץ במים וטמא עד הערב . ( כח ) ואם טהרה מזובה וספרה לה שבעת ימים ואחר תִטהר . ( כט ) וביום השמיני תקח לה שתי תֹרים או שני בני יונה והביאה אותם אל הכהן אל פתח אהל מועד . ( ל ) ועשה הכהן את האחד חטאת ואת האחד עֹלה וכִפר עליה הכהן לפני ה' מזוב טֻמאתה . ( לא ) והִזרתם את בני ישראל מטֻמאתם ולא ימֻתו בטֻמאתם בטַמאם את משכנִי אשר בתוכם . ( לב ) זאת תורת הזב ואשר תצא ממנו שכבת זרע לטמאה בה . ( לג ) והדוָה בנִדתה והזב את זובו לזכר ולנקבה ולאיש אשר ישכב ...
אל הספר